Аматара Пуціна з Dozari на радзіме ўважаюць за ашуканца
20- 4.11.2014, 3:07
- 27,503
Арт-дырэктар Dozari Аляксандр Краітар быў вядомы на радзіме ў Кемерава як махляр.
Маладзён пазычаў грошы ў мясцовых бізнэсоўцаў і не вяртаў. Пра гэта пісала «Комсомольская правда - Кемерава» ў 2008 годзе.
Як паведамляла газета, Аляксандр узяў 41 тысячу расейскіх рублёў у бізнэсоўца Васіля і абяцаў вярнуць грошы праз 4 дні. Краітар патлумачыў, што грошы яму патрэбныя, каб аддаць перадаплату маскоўскім дыджэям, але грошы не вярнуў ні праз 4 дні, ні праз год. Са слоў пацярпелага, 25-гадовы Аляксандр Краітар рэгулярна займаў «прыстойныя сумы ў заможных людзей, каб потым ніколі не вярнуць іх назад».
Аналагічныя абвінавачванні можна знайсці і ў беларускім сегменце інтэрнэту. Нібыта арт-дырэктар Dozari «павінен буйныя сумы грошай артыстам». «На тэлефоны не адказвае, сустрэч пазбягае», - напісаў адзін з блогераў месяц таму.
Нагадаем, на днях Аляксандр Краітар апынуўся ў цэнтры скандалу праз арганізацыю правакацыйных вечарынак Russian night і «Рускім быць модна» у менскім клубе Dozari. На афішы быў намаляваны Пуцін, аўтамат Калашнікава, матрошкі і Крэмль.