У Севастопалі загарэўся расейскі вайсковы карабель (Відэа)
20- 4.11.2014, 10:48
- 21,048
Раніцай у аўторак, 4 лістапада, у бухце Севастопаля загарэўся вялікі супрацьлодкавы карабель «Керч» Чарнаморскага флоту.
Цяпер пажар лакалізаваны. Пра гэта паведамляе РІА «Новости».
Вайсковы карабель стаяў у севастопальскай бухце на планавым рамонце.
Як паведамляецца, пажар на ім пачаўся а 5 раніцы. Як піша мясцовае онлайн-выданне «Газета Севастопаль», у тушэнні ўзгарання на вайсковым караблі бралі ўдзел пажарныя буксіры. Цяпер ўзгаранне лакалізаванае: ідзе белы дым. Ахвяраў і пацярпелых няма, перадае «Дождь».
На месца пажару прыбыў і камандуючы Чарнаморскім флотам. Цяпер у порце застаюцца аварыйна-выратавальныя групы, якія працягнуць дзяжурства. Ідзе агляд машыннага аддзялення, дзе ўласна і адбыўся пажар, з прылеглых да яго адсекаў.
