Пасля 60 гадоў людзі п'юць у два разы часцей, чым падлеткі
8- 4.11.2014, 15:29
- 12,273
Але, у адрозненне ад маладых, прадстаўнікі старэйшага пакалення ведаюць меру і п'юць з усёй адказнасцю.
Апытанне, праведзенае брытанскімі навукоўцамі, паказала, што пажылыя людзі ва ўзросце 60 гадоў ужываюць алкагольныя напоі ў два разы часцей, чым падлеткі і моладзь ва ўзросце 20-30 гадоў.
Пра гэта паведамляе партал RuConnect.
Пры даследаванні 1119 дарослых было высветлена, што 15% людзей ва ўзросце 60 гадоў выпівалі кожны дзень у параўнанні з 1% маладых людзей ва ўзросце ад 16 да 30 гадоў. Але, у адрозненне ад маладых, прадстаўнікі старэйшага пакалення ведалі меру і пілі з усёй адказнасцю. Яны былі схільныя атрымліваць асалоду ад джына з тонікам або ўжываць некалькі куфляў віна па вечарах за вячэрай 2-3 разы на тыдзень, у той час як маладое пакаленне проста выпівала ў выходныя 1-2 разы.
Экспэрты ў галіне аховы здароўя папярэджваюць, што многія пажылыя людзі не ведаюць пра ўплыў на іх здароўе алкаголю ў доўгатэрміновай перспектыве. Паводле статыстыкі, узровень смяротнасці ад захворванняў печані вырас у два разы за апошнія 10 гадоў. Таксама з кожным годам з'яўляюцца ўсё новыя і новыя доказы таго, што алкаголь спрыяе развіццю рака і павышае рызыку развіцця дэменцыі. Не варта забываць і пра калорыі.
Пажылыя людзі, як правіла, менш клапоцяцца аб сваёй постаці і фізічнай падрыхтоўцы, чым маладыя, таму мала хто з іх ведае, што вялікі келіх віна змяшчае 200 калорый, што раўнацэнна пончыку, а 450 мл піва - 180 калорый, што можна параўнаць з маленькім пачкам чыпсаў.