Слава Рабіновіч: Пуцін нас усіх падмануў, кінуў і «паставіў на бабкі»

Уладзімір Пуцін сваёй агрэсіяй супраць Украіны фактычна падмануў жыхароў РФ.

Пра гэта ў сваім акаўнце ў сацыяльнай сетцы «Фэйсбук» напісаў расейскі фінансіст і блогер Слава Рабіновіч.

«Людзі тысячамі ўжо губляюць працу, і мільёны людзей яшчэ страцяць бліжэйшымі месяцамі, - піша ён. - У тым ліку ў банкаўскай сферы, дзе на ўсю моц ужо ідуць звальненні. Але мне зусім не шкада крымнашыстаў, якія толькі некалькі месяцаў таму, як сярэднявечныя зомбі, паўтаралі за Пуціным: «Мы ўсё развяжам, усё пераадолеем, бо мы - разам».

Пуцін усіх нас падмануў, кінуў і паставіў на бабкі. Але тыя, якія біліся ў крымнашысцкім угары - так ім і трэба. І ніяк па-іншаму ўсё гэта быць не магло».

Фінансіст упэўнены, што расейцы самі вінаватыя ў эканамічным крызісе.

«А як вы хацелі? - Пытаецца ён. - Як ты хацеў? Што ты думаў, што будзе, калі ў XXI стагоддзі Расея напала на Украіну, пачала забіваць украінцаў, і адабрала тэрыторыі? Як ты хацеў? Што ўсё будзе па-ранейшаму і яшчэ лепш? Бо так табе сказаў Пуцін? Бо так табе сказаў палітычны, эканамічны, фінансавы і юрыдычны дэгенерат? Ён сказаў, што праўда і справядлівасць на нашым баку? Бо Крым - гэта важная для нас тэрыторыя, гістарычна і стратэгічна? Што ты зможаш цяпер туды ездзіць адпачываць? А раней не мог, так? Раней Турцыя з Егіптам былі мілей?

Ну ты і атрымаў спаўна. Не. Яшчэ не атрымаў. Яшчэ атрымаеш. Цяпер былі толькі кветачкі.

А, ты ўжо Крыму не хочаш? Ужо хочаш ўсё назад вярнуць? Ужо шкадуеш, так? Жонка незадаволеная, што цябе з працы выгналі, бо няма на што маленькае дзіця карміць, і яна цяжарная другім? А яна, разам з табой слухаючы Кісялёва-Гебельса пра ядзерны попел для Амерыкі, умее будаваць простыя прычынна-выніковыя сувязі? Калі ты развучыўся?

Ніколькі не шкада цябе. Бо ніхто не мае права быць ідыётам».