Нападнік «Лакаматыва»: У гульні з менчукамі самі ўпусцілі перамогу са сваіх рук

Андрэй Лакціёнаў пасля паразы ад менскага «Дынама» (4: 5) выказаў расчараванне тым, што каманда не змагла дамагчыся станоўчага выніку.

Пра гэта ён заявіў у эфіры КХЛ ТБ, піша sports.ru.

«Вельмі прыкра. Гульня была вельмі прынцыповая для нас, за шэсць балаў. Бо мы суседзі ў турнірнай табліцы. Гулялі дома і не зрабілі тое, што павінны былі зрабіць. Быў момант, калі пераламалі ход матчу, і самі ўпусцілі перамогу са сваіх рук. Я ў Расеі ўжо тыдзень, усё ў парадку. Прызвычаіўся на іншы час, кватэру знайшоў, вось заязджаю хутка», - распавёў Андрэй Лакціёнаў.

У першай гульні за Яраслаўцаў хакеіст адзначыўся голам і выніковай перадачай.