Агрэсіўная прамова Пуціна выклікала падзенне рубля
111- 4.12.2014, 13:32
- 77,741
Прэзідэнт РФ пачаў зварот да сенатараў з абвінавачванняў Захаду.
Валютны рынак Расеі негатыўна адрэагаваў на пачатак паслання прэзідэнта РФ Уладзіміра Пуціна Федэральнаму сходу. Даляр на Маскоўскай біржы падаражэў прыкладна на рубель - з 52,5 да 53,5 рублёў за даляр, піша zn.ua.
У сваёй прамове Пуцін заявіў, што ні ў каго не атрымаецца дамагчыся вайсковай перавагі над Расеяй і што ў краіны ёсць усе магчымасці для абароны суверэнітэту.
Ён сцвярджае, што краіны Захаду «спрабуюць выбудаваць вакол Расеі ледзь не жалезную заслону».
«Палітыка стрымлівання прыдуманая не ўчора, яна праводзіцца ў дачыненні да нашай краіны дзесяцігоддзі, калі не сказаць стагоддзямі <...> Аднак размаўляць з Расеяй з пазіцыі сілы бессэнсоўна», - сказаў прэзідэнт.
«Мы добра памятаем, хто тады падтрымліваў сепаратызм <...> І называў забойцаў, у якіх рукі па локаць у крыві, няйначай як сепаратыстамі», - нагадаў Пуцін.
«Расею ў свой час хацелі пусціць паводле югаслаўскага сцэнару распаду і раздзялення з усімі трагічнымі вынікаючымі адсюль наступствамі... Не выйшла. Мы не дазволілі <...> Была відавочная падтрымка сепаратызму з-за граніцы», - сказаў Пуцін.
Урады некаторых краін спрабуюць выбудаваць вакол Расеі ледзь не жалезную заслону, адзначыў кіраўнік дзяржавы.
Пуцін таксама сказаў, што Крым для Расеі мае «велізарнае цывілізацыйнае і сакральнае значэнне».
Пуцін нагадаў, што ў сакавіку 2014 у Крыме адбыўся «рэферэндум» у пытанні далучэння да Расеі, пасля якога рушыла ўслед пастанова аб незалежнасці крымскага «парламента», абранага яшчэ ў 2010 годзе. Са слоў прэзідэнта, для Расеі гэта падзея мае асаблівае значэнне, паколькі «там жывуць нашы людзі і сама тэрыторыя стратэгічна важная». Пуцін таксама дадаў, што менавіта ў Крыме знаходзіцца «духоўны выток фарміравання шматаблічнай, але маналітнай рускай нацыі і цэнтралізаванай расейскай дзяржавы».
«Для Расеі Крым, старажытныя Корсунь, Херсонэс, Севастопаль маюць велізарнае цывілізацыйнае і сакральнае значэнне гэтак жа, як Храмавая гара ў Ерусаліме для тых, хто вызнае іслам і юдаізм. І менавіта так мы і будзем да гэтага ставіцца з гэтага часу і назаўсёды», - заявіў Пуцін.
У сваёй прамове Пуцін зноў заявіў, што ва Украіне адбыўся дзяржаўны пераварот і што Расея не будзе падпарадкоўвацца ціску Захаду. «Аднак нас цяпер усімі сіламі спрабуюць пераканаць у тым, што гэта і ёсць пісьменная, узважаная палітыка, якой мы павінны бяздумна і слепа падпарадкоўвацца. Гэтага не будзе», - сказаў ён.