Гамяльчук скраў дзевяць левых чаравікаў

У Гомелі завяршыўся суд паводле крымінальнай справы аб крадзяжы левых чаравікаў.

Абвінавачаны ў злачынстве 25-гадовы гамяльчук прыгавораны да 5 месяцаў арышту, паведамілі карэспандэнту БелТА ў пракуратуры Гомеля.

Паводле матэрыялаў крымінальнай справы, разгледжанай у судзе, гэты крадзеж з серыі "знарок не прыдумаеш" адбыўся ў мінулым годзе. Гамяльчук, раней ужо судзімы за разбой, скраў у адным з ролетаў Цэнтральнага рынку Гомеля скрынку з мужчынскім абуткам. А калі адкрыў яе, то ўбачыў, што ўнутры знаходзяцца дзевяць чаравікаў і ўсе на левую нагу. Каб скрадзенае не знікала дарам, вырашыў вярнуць іх гаспадыні гандлёвага пункту за ўзнагароджанне.

Праз знаёмага абвінавачваны прапанаваў камерсантцы купіць скрынку са змесцівам за Br1 млн, аднак тая пагадзілася зрабіць гэта за Br800 тыс., аддаўшы злодзею палову названай сумы. На наступны дзень яна павінна была перадаць астатняе. Пасля пагаднення, якое адбылося, зламысніка затрымала міліцыя.

Падчас судовага працэсу абвінавачаны цалкам прызнаў сваю віну і раскаяўся ў зробленым.