Падрабязнасці жорсткага забойства: расеец зарэзаў аршанскага таксіста з рэўнасці

Нежывое цела таксіста ў ноч на 1 сакавіка выявілі дарожныя рабочыя ў Аршанскім раёне.

Ягоны аўтамабіль у спраўным стане знайшлі непадалёк. Праз падазрэнне ў забойстве неўзабаве затрымалі 31-гадовага грамадзяніна Расеі. Як высветлілася, раней ён сустракаўся з нявестай забітага. Прыехаўшы ў Беларусь, расеец некаторы час сачыў за сваім заклятым супернікам, а потым, сеўшы ў таксі пад выглядам кліента, напаў на яго з нажом. Падрабязнасці злачынства жахаюць: мужчына старанна планаваў забойства, паведамляе СТВ.

«Пасля ўчынення злачынства ён распачаў актыўныя меры да ўтойвання матэрыяльных слядоў: пераапрануўся, спаліў адзенне, учыніў крадзеж аўтамабіля забітага з мэтай схавацца з месца ўчынення злачынства, а таксама адтэрмінаваць час выяўлення трупа. У цяперашні час паводле крымінальнай справы завершаны ўвесь комплекс следчых дзеянняў. Дзеі абвінавачанага кваліфікаваныя паводле прыкмет двух складаў злачынстваў, прадугледжаных п.6 ч.2 арт.139 (забойства, учыненае з асаблівай жорсткасцю), ч.1 ст.214 (выкраданне транспартнага сродку) Крымінальнага кодэкса Рэспублікі Беларусь. На мінулым тыдні было завершанае расследаванне яшчэ адной гучнай крымінальнай справы аб забойстве Юліі Саламацінай. Дзяўчына знікла, пагадзіўшыся пайсці на спатканне пасля перапіскі ў сацыяльнай сетцы», - распавялі ў прэс-службе Следчага камітэта Рэспублікі Беларусь.

Трагедыя адбылася летам. Аднак па-сапраўднаму шакавальныя, нават, дзікія, падрабязнасці нам сталі вядомыя толькі цяпер. Асабліва ўражлівым гледачам мы не рэкамендуем глядзець наступны сюжэт. Ёй неверагодна цяжка, практычна немагчыма знаходзіцца ў гэтым доме. Бо ўсмешка яе Юлі на кожнай фатаграфіі зараз - самае дарагое і, разам з тым, напамін пра самае страшнае. Тут мама ганарыцца прыгажуняй-выпускніцай, а тут яны разам на адпачынку. Людміла ўспамінае, як шмат падчас таго адпачынку ў іх было размоў пра планы, пра будучыню. Будучыню, якой у яе дачкі больш няма.