Турцыя ўводзіць з 11 красавіка новыя правілы ўезду ў краіну

МЗС Беларусі атрымаў па дыпламатычных каналах інфармацыю аб тым, што з 11 красавіка гэтага года ў Турэцкай Рэспубліцы ўводзяцца новыя правілы ўезду ў краіну.

Пра гэта паведамілі БелТА ў прэс-службе МЗС.

Візы для турыстычных або дзелавых паездак будуць выдавацца праз новую электронную сістэму. "Сістэма заменіць існуючую працэдуру атрымання адпаведнага дазвольнага штампа непасрэдна ў аэрапорце прыбыцця. Для афармлення электроннай візы замежнік, які накіроўваецца ў Турцыю, павінен будзе запоўніць форму на сайце www.evisa.gov.tr​​, аплаціць паслугу з дапамогай крэдытнай або дэбетавай карткі, атрымаць дакумент на свой электронны адрас і затым раздрукаваць яго", - растлумачылі ў МЗС Беларусі.

Інфармацыю аб памеры візавых збораў можна знайсці на вэб-сайце МЗС Турцыі.

Па паведамленнях турэцкага боку, для прадухілення цяжкасцяў падчас турыстычнага сезону 2014 года на працягу пераходнага перыяду памежныя ўлады Турцыі будуць таксама выдаваць візы ў існуючым цяпер рэжыме, дадалі ў МЗС Беларусі.