Акупанты вызвалілі захопленага ў Крыме ўкраінскага афіцэра
1- 11.04.2014, 12:19
- 7,182
Украінскага афіцэра Арцёма Ярмоленку вызвалілі сёння ў дзесяць гадзін раніцы.
Пра гэта капітан праінфармаваў камандаванне брыгады. У бліжэйшы час ён прыбудзе на мацерыковую частку Украіны для далейшага праходжання службы.
Пра гэта распавёў кіраўнік медыя-цэнтра Міністэрства абароны Уладзіслаў Селязнёў у сваім (акаўнце) у сацыяльнай сетцы «Фэйсбук».
31-гадовага капітана Арцёма Ярмоленку чатыры дні пратрымалі ў СІЗА Севастопаля. 6 красавіка ў 20:50 на КПП каля інтэрната ў Новафёдараўцы Сакскага раёна Крыма ў яго і яго таварыша Станіслава Карачэўскага ўзнік канфлікт з узброенымі рускімі вайскоўцамі. Апошнія выклікалі падмацаванне і напалі на інтэрнат, дзе жылі вайскоўцы былой Сакскай авіябрыгады. Станіслава Карачэўскага застрэлілі з аўтамата, а Арцёма Ярмоленку збілі і забралі ў Севастопаль.
«Ён патэлефанаваў мне і сказаў, што ўсё добра, - кажа яго жонка Лілія. - Я яго яшчэ не бачыла. Сустрэнемся на пахаванні Стаса».
Станіслава Карачэўскага сёння хаваюць у Бярданску. Развітацца прыбылі калегі Сакскай авіябрыгады.