Украіна рыхтуе сем пагадненняў у бяспецы з партнёрамі
4- 1.05.2024, 20:34
- 2,980
У тым ліку з ЗША.
Украіна рыхтуе яшчэ сем новых пагадненняў пра гарантыі бяспекі. Адно з гэтых пагадненняў будзе падпісанае са Злучанымі Штатамі Амерыкі. Пра гэта заявіў прэзідэнт Уладзімір Зяленскі ў вечаровым звароце ў сераду, 1 траўня.
Кіраўнік дзяржавы сказаў, што цяпер ідзе праца з партнёрамі над яшчэ сямю новымі дакументамі, якія ўзмоцняць Украіну на перыяд да ўступлення ў NATO.
«Зброя, фінансы, палітычнае ўзаемадзеянне – сёння працаваў з камандай пра канкрэтныя дэталі гэтых дакументаў, і ў некаторых з іх ужо ёсць папярэдні тэкст пагадненняў... Напаўняем драфты пагадненняў больш моцнымі магчымасцямі для Украіны і нашай супольнай бяспекі з партнёрамі. Зразумела, што асаблівы прыярытэт – усяму, што дасць больш абароны ад расейскага тэрору», – заявіў ён.