МЗС Украіны заклікаў Крэмль спыніць «закручваць гайкі»
6- 11.04.2014, 17:35
- 7,435
Украіна занепакоеная абмежаваннем свабоды выбару ў Расеі і права расейцаў на аб'ектыўную інфармацыю, такім чынам заклікае Крэмль спыніць гэтыя рэпрэсіі супраць уласнага народа.
Пра гэта на брыфінгу ў пятніцу заявіў дырэктар дэпартамента інфармацыйнай палітыкі МЗС Украіны Яўген Перабійніс, перадае Укринформ.
"Хвалюемся за лёс расейскага народа, з занепакоенасцю назіраем за дзеяннямі расейскай улады, накіраванымі на абмежаванне свабоды выбару, выказванні народа, абмежаванне права на аб'ектыўную інфармацыю і альтэрнатыўны пункт гледжання. Мы заклікаем расейскую ўладу спыніць грэбаванне і рэпрэсіі супраць уласнага народа, а не змагацца з ветракамі за мяжой, груба ўмешваючыся ва ўнутраныя справы суверэнных дзяржаў", - адзначыў Перабійніс.
У прыватнасці, як падкрэсліў дыпламат, ва Украіне глыбока занепакоеныя рашэннем расейскай улады аб закрыцці праваабарончага цэнтра "Мемарыял" - адной з вядучых арганізацый, якая дапамагала ахвярам палітычных рэпрэсій, расізму і ксенафобіі ў Расеі.
"Тым жа яна абвясціла сваім ворагам грамадзянскую супольнасць і ва ўласнай дзяржаве працягвае мэтанакіравана закручваць гайкі законным правам сваіх грамадзян", - адзначыў афіцыйны прадстаўнік МЗС.
Акрамя таго, як дадаў Перабійніс, афіцыйны Кіеў таксама занепакоены рашэннем расейскай улады спыніць радыёвяшчанне "Голоса Америки". Такім чынам, падкрэсліў ён, расейскі ўрад ліквідаваў адну з нешматлікіх крыніц аб'ектыўнай інфармацыі, альтэрнатыўнай расейскай прапагандзе.