На Данбасе адмяняюць заняткі ў школах і дзіцячых садках
- 14.04.2014, 9:51
- 9,211
У Славянску Данецкай вобласці адмененыя заняткі ў школах, дзіцячых садках і іншых дзіцячых установах.
Гэта зроблена ў сувязі з неспрыяльнай сітуацыяй у горадзе, паведамляе Славянск деловой.
У той жа час, школы і дзіцячыя садкі Краматорска, які знаходзіцца ад Славянска ў 20 км, будуць працаваць у звычайным рэжыме, акрамя САШ №15, якая размешчаная насупраць гараддзела міліцыі, дзе ў суботу стралялі. Пра гэта паведамляе сайт Общежитие са спасылкай на намесніка гарадскога галавы Марыну Караван.
Паводле яе слоў, прынятае рашэнне аб адмене заняткаў у СШ №15. Бацькі дзяцей пачатковых класаў, якіх няма з кім пакінуць у працоўны час, могуць прывесці школьнікаў у СШ №12 і СШ №5. Тут ім будзе забяспечаны належны нагляд і навучальны працэс. Тэрмін, на які адмененыя заняткі ў СШ №15, не вызначаны.
Нагадаем, у нядзелю, 13 красавіка, у Славянску ўзброеныя ў камуфляжы ва ўпор расстралялі аўтамабіль. Па неправераных дадзеных, загінулі двое людзей.
Раней у Славянску МУС праводзіла антытэрарыстычную аперацыю, у выніку якой 9 чалавек былі параненыя, а адзін забіты.
У Краматорску (Данецкая вобласць) будынкі гарадскога савета і гарадскога УУС застаюцца захопленымі сепаратыстамі.