Суд закрыў «газавую справу» Цімашэнка

Вярхоўны суд Украіны юрыдычна рэабілітаваў кандыдата ў прэзідэнты Юлію Цімашэнка.

Ён закрыў так званую «газавую справу» Юліі Цімашэнка, прызнаўшы, што ў справе адсутнічае склад злачынства, пра гэта ў панядзелак, 14 красавіка, паведаміў яе абаронца, народны дэпутат Сяргей Уласенка.

«Вярхоўны суд Украіны падчас сумеснага пасяджэння ўсіх палат, на пасяджэнні ў якім бралі ўдзел 42 з 48 суддзяў, паставілі тоўстую кропку на сфальсіфікаванай «газавай справе» Юліі Цімашэнка, ... устанавіў, што ў дзеяннях Юліі Цімашэнка няма нават падзеі злачынства», - перадае словы Уласенкі інфармагенцтва УНН.

Па словах адваката, гэта азначае поўную юрыдычную рэабілітацыю Юліі Цімашэнка.

Нагадаем, у канцы лютага Харкаўскі суд закрыў справу аб фінансавых злоўжываннях у карпарацыі Адзіныя энергетычныя сістэмы Украіны, узбуджанай супраць былога прэм'ера.