Арыштаваны дырэктар «Цмокi-Мiнск»

СК распачаў крымінальную справу супраць Канстанціна Шараверы.

Раніцай 14 красавіка кіраўніцтва баскетбольнага клуба «Цмокi-Мiнск» абвясціла аб зменах у кіраўніцтве. Паводле інфармацыі, пададзенай заснавальнікамі вядучага баскетбольнага клуба краіны, заява генеральнага дырэктара Канстанціна Шараверы аб вызваленні з пасады з прычыны стану здароўя ў сувязі з дасягненнем пенсіённага ўзросту была задаволеная. Ні падрабязнасцяў, ні абставінаў, якія спадарожнічалі гэтак знакавай перастаноўцы не паведамлялася, піша «Прессбол».

Бліжэй да вечара падрабязнасці гэтыя ўсплылі самі сабой - праўда, з іншых афіцыйных крыніц. Крымінальных. Паводле матэрыялаў управы барацьбы з эканамічным злачынствамі ГУУС Менгарвыканкама Следчы Камітэт распачаў крымінальную справу ў дачыненні да былога гендырэктара «цмокаў», які падазраецца ў крадзяжы грашовых сродкаў у асабліва вялікай суме.

Дзеянні падазраванага кваліфікаваныя як крадзеж шляхам злоўжывання службовым становішчам (ч.4 арт.210 КК РБ). Цяпер праводзяцца следчыя дзеянні. Бліжэй да вечара Канстанцін Шаравера быў затрыманы.