Дом Януковічу ў Барвісе купіў камуніст Калетнік
10- 15.04.2014, 10:28
- 11,028
Дом для экс-прэзідэнта Украіны Віктара Януковіча ў падмаскоўнай Барвісе купіў экс-віцэ-спікер Ігар Калетнік, запэўніваюць у Расеі.
«Са сваіх крыніц даведаўся, што дом за $52 млн, не таргуючыся, купіў ён», - паведаміў экс-прэфект Паўночнай адмінакругі Масквы Алег Мітволь, перадаюць «Вести».
Сам Калетнік дачыненне да набыцця адмаўляе: «Па словах Ігара Рыгоравіча, гэта выдумка», - заявілі ў яго прэс-службе.
Тым часам, пакуль Януковіч жыве ў Сочы, дом у Барвісе не пустуе. «Не ведаю, хто, але хтосьці жыве ў доме плошчай 1000 кв. м», - сказаў Мітволь.
Нагадаем, пасля масавых пратэстаў па ўсёй Украіне былы прэзідэнт Віктар Януковіч уцёк у Расею.
Фота: Reuters