Беларускія пісьменнікі падтрымаюць украінскую літаратуру
6- 15.04.2014, 21:01
- 7,322
Пры Саюзе беларускіх пісьменнікаў утворанае Таварыства ўкраінскай літаратуры.
Яго асноўныя мэты - спрыяць беларуска-ўкраінскім літаратурным сувязям.
Старшынёй суполкі стала пісьменніца Наталка Бабіна, кнігі якой неаднаразова перакладаліся на ўкраінскую мову і былі прэзентаваныя на ўкраінскіх кніжных выставах. Цяпер у таварыстве больш за 20 сябраў.
Літаратары маюць намер актывізаваць сувязі са сваімі ўкраінскімі калегамі, часцей рабіць узаемныя пераклады.
Бліжэйшым часам будзе выдадзены альманах твораў беларускіх аўтараў, якія пішуць па-ўкраінску. Папулярызаваць украінскую і беларускую літаратуру пісьменнікі будуць і ў сацыяльных сетках, паведамляе БелаПАН. Для маладых перакладчыкаў абяцаюць арганізаваць навучальныя семінары.
«Стварэнне таварыства - гэта і жэст салідарнасці з Украінай, якая перажывае складаныя часы, і спроба ўзаемнай культурнай дапамогі», - адзначана ў паведамленні прэс-службы СБП.