МУС апублікавала падрабязнасці спецаперацыі ў Краматорску
2- 16.04.2014, 10:11
- 23,553
Антытэрарыстычная спецаперацыя прайшла без ахвяраў.
МУС апублікавала відэа з падрабязнасцямі антытэрарыстычнай аперацыі, якая праводзілася ўчора ў Краматорску, піша korrespondent.net.
У выніку спецаперацыі пры вызваленні аэрадрома ў Краматорску сілавікі ўзялі ў палон узброеных мітынгоўцаў.
"Спецпадраздзяленні МУС адбілі атаку ўзброеных нападнікаў, якія спрабавалі штурмаваць мясцовы аэрадром. Антытэрарыстычная спецаперацыя прайшла без ахвяраў. Ёсць інфармацыя пра аднаго параненага. У выніку ўзброенага супрацьстаяння аэрапорт пад кантролем украінскіх сілавікоў", - паведаміў дарадца Міністра МУС Станіслаў Рэчынскі.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.
У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку.
15 красавіка ў выніку аперацыі ўкраінскіх сілавікоў быў вызвалены захоплены расейскімі дыверсантамі і сепаратыстамі горад Краматорск на поўначы Данецкай вобласці.