У аэрапорце Марыупаля прызямліліся пяць ваенных верталётаў
12- 17.04.2014, 10:20
- 24,718
З верталётаў выйшлі каля 50 чалавек у ваеннай форме.
У аэрапорце Марыупаля прызямліліся 5 украінскіх ваенных верталётаў і адзін самалёт. Пра гэта 0629.com.ua паведаміла крыніца.
З верталётаў выйшлі каля 50 чалавек у ваеннай форме. Цяпер яны выгружаюць снайперскія вінтоўкі і гранатамёты.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.
У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку.
15 красавіка ў выніку аперацыі ўкраінскіх сілавікоў быў вызвалены захоплены расейскімі дыверсантамі і сепаратыстамі аэрадром горада Краматорск на поўначы Данецкай вобласці.
17 красавіка ўкраінскія вайскоўцы адбілі атаку сепаратыстаў пад кіраўніцтвам афіцэраў ГВУ на вайсковую частку ў Марыупалі на поўдні Данецкай вобласці. Трое нападнікаў былі забітыя, больш за 60 затрыманыя.