Украінскія вайскоўцы ўзялі пад кантроль аэрадромы Краматорска
1- 18.04.2014, 15:03
- 7,229
Абодва аэрадрома горада знаходзяцца пад кантролем спецназа.
Па стане на 13:00 18 красавіка ў горадзе Краматорск Данецкай вобласці ахову ваеннага і грамадзянскага аэрадромаў забяспечваюць вайскоўцы адной з частак спецыяльнага прызначэння Узброеных Сіл Украіны, паведамляе прэс-служба Мінабароны.
У цяперашні час гэтыя аб'екты працуюць у штатным рэжыме. Абстаноўку пастаянна адсочваюць і кантралююць ваенныя верталёты і самалёты шляхам патрулявання.
«Каля ваеннага аэрадрома знаходзяцца два блокпоста, на якіх знаходзяцца каля 60 радыкальна настроеных асоб. Яшчэ тры блокпоста з прарасейскімі мітынгоўцамі і трыкалорам так званай «Данецкай народнай рэспублікі» збудаваныя каля ГП Краматорскіт аэрапорт», - сказана ў паведамленні.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.
У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку.
15 красавіка ў выніку аперацыі ўкраінскіх сілавікоў быў вызвалены захоплены расейскімі дыверсантамі і сепаратыстамі аэрадром горада Краматорск на поўначы Данецкай вобласці.
17 красавіка ўкраінскія вайскоўцы адбілі атаку сепаратыстаў пад кіраўніцтвам афіцэраў ГВУ на вайсковую частку ў Марыупалі на поўдні Данецкай вобласці. Трое нападнікаў былі забітыя, больш за 60 затрыманыя.
