Пуціны і Мядзведзевы з Кіева гатовыя абараняць Украіну са зброяй у руках

Журналісты адшукалі цёзак прэм'ера і прэзідэнта РФ, якія жывуць у Кіеве.

У Кіеў працягваюць прыбываць уцекачы з Крыма. У каардынацыйным цэнтры КГГА кажуць, што да іх ужо звярнуліся па дапамогу больш за 500 чалавек, якія не ў захапленні ад бурнай дзейнасці, якую разгарнулі на паўвостраве прэзідэнт РФ Уладзімір Пуцін і прэм'ер-міністр Дзмітрый Мядзведзеў. «Сегодня» пагутарыла з кіеўскімі цёзкаму Пуціна і Мядзведзева, каб даведацца іх меркаванне аб падзеях, якія адбываюцца ў Крыме.

ПУЦІНЫ. Кіяўлянін Алег Пуцін, з якім журналісты з звязаліся па тэлефоне, прызнаўся, што жыць з такім прозвішчам стала цяжка. «Мне зараз не да палітыкі. Я зараз шукаю працу, а працадаўцы, убачыўшы прозвішча, цікавяцца: ці не сваяк? Прыходзіцца тлумачыць, што я проста цёзка і ўкраінец. А настроеныя людзі на прозвішча не вельмі прыязна - да гэтага часу працу знайсці не магу», - кажа Пуцін.

Кіяўлянін Віталь Карпуцін сваё прозвішча лічыць абсалютна звычайным: «На заводзе, дзе я працую, ніхто нават увагі на гэта не звяртае. Хоць ты Пуцін, хоць Карпуцін, хоць Распуцін - галоўнае, каб рабіў сваю справу. А вось калі я пару гадоў таму ехаў у Расею, увагу звярнулі - мытнікі жартавалі, што я хачу нешта бясплатна атрымаць з-за прозвішча. А вось тое, што цяпер робіць прэзідэнт Расеі ў Крыме, мне зусім не падабаецца».

Пражываюць у сталіцы таксама браты-блізняты - Сяргей і Аляксандр Пуціны. Хлопцам па 24 гады, скончылі КПІ, абодва па спецыяльнасці інжынеры. У ВНУ пра іх кажуць цёпла. «Пуціны добра вучыліся, ігралі ў футбол за ўніверсітэцкую каманду», - распавялі ў прафсаюзе студэнтаў КПІ. «Я супраць уводу войскаў у Крым. Думаю, гэта лішняе. У мяне шмат сяброў у Расеі, і цяпер у іх свая праўда, а ў нас - свая. Я ў арміі не служыў, але калі прызавуць, то пайду абараняць Украіну», - кажа Сяргей Пуцін. Мяняць прозвішча з-за ўводу войскаў у Крым хлопцы не збіраюцца. «У апошні месяц сябры часта паджартоўваюць - маўляў, ты прозвішча яшчэ не змяніў?». Але я гэтага рабіць не планую», - кажа Сяргей.

МЯДЗВЕДЗЕВЫ. Цёзак прэм'ер-міністра Расеі Дзмітрыя Мядзведзева ў Кіеве некалькі сотняў, і іх стаўленне да агрэсіі ў Крыме рознае. «Расейцы называюць нас братамі. Але які ж гэта брат, калі ён прыйшоў да цябе ў дом, сеў за стол, ды яшчэ і ногі на яго закінуў. Я супраць такога братэрства. І калі прыйдзецца, буду абараняць Украіну ад Пуціна і Мядзведзева», - кажа Дзмітрый Мядзведзеў з Абалоні. А пенсіянерка са Святошына Святлана Мядзведзева лічыць, што кіраўніцтва РФ паступіла правільна. «Расейцы забяспечваюць мір на паўвостраве. Крым сказаў сваё слова на рэферэндуме, і яго трэба паважаць. Я тэлефанавала сваім сябрам на паўвостраў, яны кажуць, што ў іх усё добра, толькі пенсію затрымліваюць, але ім заўсёды грошы з затрымкай прыходзілі. Цяпер вось чакаюць пенсіі ў рускіх рублях. А я малю бога аб міры ва Украіне», - кажа пенсіянерка.