Дональд Туск: Расея гатовая да бліцкрыгу
1- 3.04.2014, 11:35
- 12,722
Расейскае ўварванне ва Усходнюю і Паўднёвую Украіну вельмі рэальна.
Пра гэта ў інтэрв'ю нямецкаму выданню Die Zeit заявіў прэм'ер-міністр Польшчы Дональд Туск, PAP (пераклад - charter97.org).
«Небяспека расейскага бліцкрыгу ва Усходняй і Паўднёвай Украіне рэальная. І ніхто не ведае, ці адбудзецца гэта», - сказаў ён.
Туск падкрэсліў, што на дадзены момант «самай лепшай гарантыяй бяспекі будуць не папяровыя гарантыі, а фізічная прысутнасць войскаў НАТА ў Польшчы».
«Таксама цяпер вельмі важная еўрапейская салідарнасць і гатоўнасць да правядзення сумеснай палітыкі для стрымлівання расейскай агрэсіі. На сённяшні дзень нам патрэбны і энергетычны саюз. Гэта працэс, які зойме некалькі гадоў, а, можа, некалькі дзесяткаў гадоў. Але мы павінны пачаць ужо сёння, калі жадаем стаць больш незалежнымі», - падкрэсліў польскі прэм'ер.
На думку палітыка, аднаўляльныя крыніцы энергіі не могуць быць ключом да энергетычнай незалежнасці з-за іх высокага кошту.
«Інструментамі, якія ўзмацняюць незалежнасць, з'яўляецца рэабілітацыя вугалю з выкарыстаннем новых - чыстых тэхналогій, а таксама сланцавы газ», - лічыць Дональд Туск.
Фота: Getty Images