Жыхары Малдовы змогуць наведваць краіны ЕЗ без віз
13- 3.04.2014, 12:59
- 8,615
Еўрапейскі Звяз прыняў рашэнне аб кароткатэрміновых бязвізавых паездках у краіны Шэнгенскай зоны для грамадзян Малдовы.
Адпаведная прапанова Еўрапейскай камісіі была падтрыманая Еўрапейскім парламентам і Еўрапейскай Радай у чацвер 3 красавіка, паведамляе УНІАН.
"У канцы гэтага месяца грамадзянам Малдовы з біяметрычнымі пашпартамі больш не патрэбныя будуць візы для паездак у Шэнгенскую зону на кароткі перыяд. Гэта велізарнае дасягненне і пачатак новага кірунку ў нашых адносінах", - сказала камісар ЕЗ па ўнутраных справах Сесілія Малстром.
ЕЗ і Малдова пачалі візавы дыялог у чэрвені 2010 года.
"Гэта паказвае, што намаганні малдаўскай улады былі ўзнагароджаныя, і ЕЗ адданы справе дасягнення выніку з трэцімі краінамі, жадаючымі з намі працаваць. Магчымасць бязвізавых падарожжаў у Шэнгенскую зону больш умацуе чалавечыя кантакты, а таксама бізнесавя, сацыяльныя і культурныя сувязі паміж Еўрапейскім Звязам і Малдовай", - дадала Малстром.
Паводле звестак Еўракамісіі, колькасць грамадзян Малдовы, якія падавалі заяўкі на Шэнгенскія візы, была стабільнай апошнія чатыры гады. Колькасць адмоваў у прадастаўленні віз у мінулым годзе скарацілася да 4,8 адсотка з 11,4 адсотка ў 2012 годзе.
Нагадаем, 28 лістапада 2013 года падчас саміту "Усходняга партнёрства" ў Вільні адбылося тэхнічнае парафіяванне Пагаднення аб асацыяцыі Малдовы з Еўрапейскім Звязам.