Расея рыхтуецца да ўварвання ў Грузію?

Масква правакуе канфлікт паміж Тбілісі і Ерэванам.

Былы намеснік міністра замежных спраў Грузіі Нікалаз Вашакідзэ каментуе выдачу ў спрошчаным рэжыме расейскамоўным грамадзянам Грузіі расейскіх пашпартоў. Са слоў дыпламата, «грузінская старана» павінна тэрмінова выклікаць прадстаўніка Расеі і запатрабаваць ад яго прыпыніць працэс, у адваротным выпадку закрыць консульства», піша Грузія Online.

«Урад нашай краіны павінен тэрмінова выклікаць прадстаўніка Расеі і запатрабаваць ад яго спыніць гэты працэс бліжэйшым часам. Але калі гэта патрабаванне не будзе задаволена, консульства павінна быць закрыта», - заявіў Нікалаз Вашакідзэ.

Са слоў экс-намесніка міністра, калі паміж Грузіяй і Расеяй не існуе дыпламатычных адносін, урад нашай краіны мае права прыпыніць гэты працэс у любы час. Нікалаз Вашакідзэ мяркуе, што Расея спрабуе распаліць канфлікт паміж Грузіяй і Арменіяй, менавіта таму Расейская Федэрацыя зрабіла стаўку на Самцхе-Джавахеці.

«Расея рыхтуе глебу для ваеннага ўварвання. Метад Гітлера, які прадугледжвае абарону грамадзян РФ, Пуцін выкарыстоўвае ўжо даўно. Зараз кіраўнік РФ ажыццяўляе шырокамаштабную агрэсію супраць краін постсавецкай прасторы. Пастаянна распальваючы армяна-азербайджанскі канфлікт, Пуцін ужо больш за 20 гадоў не дае нашаму рэгіёну магчымасці нармальнага развіцця. І цяпер, для таго, каб канчаткова спыніць мір на Каўказе, расейскаму лідару неабходна замкнуць круг, гэта значыць - распаліць канфлікт паміж Грузіяй і Арменіяй. Вядома, кіраўніцтва Арменіі не хоча гэтага, і спрабуе не паддавацца на правакацыі. Таму Пуцін і пачаў раздаваць расейскія пашпарты жыхарам Самцхе-Джавахеці. І далей рушыць услед ужо вядомы нам сцэнар - правакацыі і ўварванне на тэрыторыю «варожай» дзяржавы», - адзначыў Вашакідзэ.

Нагадаем, у жніўні 2008 года Расея ўжо нападала на Грузію і захапіла тэрыторыі Абхазіі і Паўднёвай Асеціі.