Новая «зорка» інтэрнэту - бландынка, якая страціла iPhone 5

16-гадовая Эла Бірчэнот, жыхарка брытанскага горада Дуўр стала зоркай інтэрнэту, дзякуючы спробе выратаваць iPhone 5, які трапіў у каналізацыю.

Дзяўчына не знайшла іншага спосабу дастаць тэлефон з водапрыёмніка, як залезці ў люк.

Неўзабаве ўладальніца смартфона ўжо сама мела патрэбу ў дапамозе, паколькі не змагла самастойна выбрацца з пасткі, якая апынулася цеснай. Каб вызваліць пацярпелую з каналізацыйнага люка, мінакі выклікалі пажарнікаў.

Выратавальная аперацыя заняла не больш за пяць хвілін, аднак пажарнікам даволі цяжка было зразумець, як дзяўчына змагла сарваць цяжкую крышку люка і трапіць у каналізацыю.

У выніку інцыдэнту Эла Бірчэнот не пацярпела, аднак iPhone рэанімаваць не ўдалося.