Беларусь купіць яшчэ некалькі комплексаў «Тор-М2»

Беларусь працягне закупку зенітных ракетных комплексаў у Расеі.

Пра гэта паведаміў журналістам камандуючы Вайскова-паветранымі сіламі і войскамі супрацьпаветранай абароны Узброеных Сіл Беларусі генерал-маёр Алег Двігалёў, паведамляе БелТА.

«Мы працягнем закупляць зенітны ракетны комплекс «Тор-М2». На гэты момант у рэспубліцы створаны паўнавартасны дывізіён на аснове трох батарэй. Плануецца да 2020 года закупіць яшчэ некалькі ўзораў такога тыпу ўзбраення», - распавёў камандуючы.

Зенітны ракетны комплекс (ЗРК) «Тор-М2» прызначаны для вырашэння задач супрацьпаветранай абароны, ён забяспечвае эфектыўную абарону вайсковых і грамадзянскіх аб'ектаў. Адметныя асаблівасці «Тор-М2» - высокая манеўранасць, мабільнасць, малы час рэакцыі, аўтаматызацыя баявой працы, эфектыўнасць стральбы з шырокім класам мэтаў (крылатыя ракеты, авіябомбы, якія карэктуюцца, самалёты, верталёты, беспілотныя і дыстанцыйна кіраваныя ўдарныя апараты). Батарэя ЗРК «Тор-М2» у складзе чатырох баявых машын здольная адначасова паразіць 16 аб’ектаў, якія ляцяць з любых напрамкаў з хуткасцю да 700 м/с на далёкасці да 12 км і вышыні да 10 км у любых умовах надвор'я, днём і ноччу. Высокая баявая эфектыўнасць таксама дасягаецца за кошт цалкам новага алгарытму ўзаемадзеяння паміж машынамі, якія працуюць у пары. Яны актыўна абменьваюцца баявой інфармацыяй, самі размяркоўваюць аб’екты паміж сабой. Сістэмы цалкам аўтаматызаваныя. Баявая машына комплексу грунтуецца на колавым шасі, што вырабляецца на Менскім заводзе колавых цягачоў.

Таксама Алег Двігалёў распавёў, што ў сапраўдны час завяршаецца ўзгадненне з расейскай стараной пытанняў аб пастаўцы ў Беларусь чатырох ракетных зенітных дывізіёнаў С-300.

Для авіяцыі будуць закуплены новыя вучэбна-баявыя самалёты Як-130. Пастаўкі іх запланаваны на канец 2014 - пачатак 2015 года. Чакаецца, што гэтыя самалёты значна пашыраць магчымасці ў падрыхтоўцы лётнага складу ВПС Беларусі.