Данецкія шахцёры аб сепаратыстах: «Як можна падтрымліваць купку бамжоў?»
19- 7.04.2014, 20:08
- 45,305
Шахцёры Данбаса гатовыя ваяваць супраць акупантаў і тых, хто іх падтрымлівае.
Пра гэта ў «Фэйсбуку» напісаў журналіст Зміцер Гнап.
«Патэлефанаваў бацьку. Ён жыве ў маленькім гарадку каля Данецка. Угледар называецца. Шахцёрскі пасёлак. Трыццаць шматпавярховікаў у стэпе.
- Як у вас настрой, сепаратыстаў падтрымлівае народ? - кажу.
- Блазнаў гэтых? Чулі нешта пра іх. Але сур'ёзна іх ніхто не ўспрымае. Як могуць шахцёры падтрымліваць купку бамжоў?
- А калі Пуцін войскі ўвядзе, што рабіць будзеце? - пытаюся.
- Ну, я з мужыкамі пагаварыў. Усе служылі. Будзем ствараць партызанскія атрады і ваяваць. Мы ж шахты нашы самі будавалі, ведаем куды якая вядзе. Усе забоі, штрэкі з заплюшчанымі вачыма прайсці можам. Нас там і атамным выбухам не дастанеш. Паваюем, калі што.
Буду неўзабаве ў Данецку. Паглядзім, да чаго ўсё ідзе», - напісаў ён.
Фота: unian.net