Сепаратысты ў Данецку паралізавалі выплату пенсій і заробкаў
12- 9.04.2014, 16:47
- 13,187
Сітуацыя ў Данецку застаецца напружанай, паралізаваная праца органаў улады.
Пра гэта паведамілі ў прэс-службе абласной адміністрацыі, перадае «Інтэрфакс».
«Паралізаваная праца па эканамічным забеспячэнні грамадзян: выплаце дапамог, заробкаў, пенсій. Па маім даручэнні з захопнікамі будынка абласнога савета працуе некалькі перамоўных груп. Мы прыцягваем як спецыялістаў сілавых ведамстваў, так і прадстаўнікоў грамадзянскай супольнасці і лідараў грамадскай думкі», - гаворыцца ў заяве губернатара Сяргея Таруты, распаўсюджанай у сераду.
Кіраўнік вобласці лічыць, што сілавое вырашэнне пытання з'яўляецца крайняй мерай.
«Я да апошняга буду настойваць на мірным вырашэнні канфлікту. Мы павінны любой цаной пазбегнуць ахвяраў», - заявіў ён.
Нагадаем, у нядзелю, 6 красавіка, у Данецку і Луганску адбыліся шматтысячныя мітынгі, у выніку якіх сепаратысты, якія не прызнаюць уладу ў Кіеве, пачалі захоп будынкаў дзяржаўнай улады.