Украінцы абвясцілі байкот Ахлабысціну і Співакову
18- 4.06.2014, 9:41
- 36,711
Украінскія гледачы адмаўляюцца ад расейскіх гастралёраў.
Раней набытыя квіткі вяртаюць, перадае ТСН.
Так, у прыватнасці Іван Ахлабысцін сабраўся на гастролі ва Украіну ў канцы кастрычніка.
"Арганізатары абяцалі монаспектакль. Тым часам, гледачы выказваюць сваё стаўленне на афішах і ў каментарах. Заклікаюць байкатаваць арганізатара і сайт, які прадае квіткі. Да канца дня мерапрыемства са спісу знікла, а канцэрт абвясцілі несапраўдным", - гаворыцца ў паведамленні.
Па інфармацыі выдання, не адбудзецца і запланаваны на 19 чэрвеня канцэрт Уладзіміра Співакова.
"Дырыжор трапіў у глядацкую няласку пасля подпісу пад ухвалой палітыкі Пуціна разам з піяністам Дзянісам Мацуевым. Але канцэрт Мацуева не адмянілі, а перанеслі на снежань, і квіткі ў Нацыянальную оперу да гэтага часу прадаюць", - перадае ТСН.
Нагадаем, раней 85 расейскіх дзеячаў культуры і мастацтва паставілі свае подпісы пад лістом у падтрымку палітыкі Уладзіміра Пуціна ў Крыме.