Алег Рыбачук: Расея пачала вайну, якую немагчыма выйграць
11- 4.06.2014, 13:52
- 18,847
Разлікі Пуціна на тое, што яму ўдасца раскалоць свет, што Еўропа разваліцца, не апраўдаліся.
Пра гэта заявіў у сераду былы віцэ-прэм'ер-міністр Украіны па пытаннях еўрапейскай інтэграцыі Алег Рыбачук падчас круглага стала ў Інстытуце Гаршэніна, піша LB.ua.
«Расея абвясціла вайну, якую немагчыма выйграць. Гэта вайна ўсяму свету... Расея ўпершыню з Другой сусветнай вайны парушыла межы, РФ зрабіла выклік усяму свету, не прапанаваўшы новую сістэму, новыя каштоўнасці», - заявіў ён.
Рыбачук таксама лічыць, што Расея пачала вайну супраць сістэмы, часткай якой яна ёсць.
«Разлікі Расеі на тое, што ёй удасца раскалоць свет, што Еўропа разваліцца, не апраўдаліся», - дадаў ён.
Былы віцэ-прэм'ер Украіны ўпэўнены, што Расеі пасля эканамічных санкцый прыйдзецца вернуцца да сусветных правілаў.
Фота: polittech.org