Дырэктар прадпрыемства вазіў сям'ю на адпачынак за кошт бюджэту

У Наваполацку сваякі дырэктара дзяржпрадпрыемства адпачывалі за кошт дзяржавы.

Упраўленнем Следчага камітэта па Віцебскай вобласці распачатая крымінальная справа аб злоўжыванні службовымі паўнамоцтвамі дырэктарам дзяржаўнага транспартнага прадпрыемства Наваполацка. У выніку супрацьпраўных дзеянняў службовай асобы прадпрыемству нанесены маёмасны ўрон не менш чым на 100 млн. рублёў.

Як паведаміў БелаПАН афіцыйны прадстаўнік УСК па Віцебскай вобласці Іна Гарбачова, следствам устаноўлена, што гэта службовая асоба з ліпеня 2011 года па жнівень 2012 года, выкарыстоўваючы свае службовыя паўнамоцтвы, сістэматычна давала незаконныя ўказанні на аплату турыстычных паслуг, аказаных яго сваякам, за кошт сродкаў прадпрыемства.

Дзеянні кіраўніка кваліфікаваныя па ч. 3 арт. 424 КК (злоўжыванне службовымі паўнамоцтвамі). У цяперашні час устанаўліваецца дакладная сума нанесенай шкоды.