Мінтранс: Самалёты з рэгіёнаў Беларусі павінны лятаць ва ўсім свеце
18- 28.07.2014, 17:17
- 10,921
Улады разлічваюць на выкарыстанне рэгіянальных аэрапортаў Беларусі для выканання міжнародных авіярэйсаў.
Пра гэта заявіў міністр транспарту і камунікацый Беларусі Анатоль Сівак, паведамляе БелТА.
На думку міністра, перавозкі авіятранспартам у Беларусі дынамічна развіваюцца. У Міністэрстве ставяць задачу выкарыстоўваць не толькі нацыянальны аэрапорт, але і рэгіянальныя. Прычым рэгіянальныя аэрапорты плануецца выкарыстоўваць не толькі для міжрэгіянальных пералётаў, але і для міжнародных перавозак.
Міністр адзначыў таксама велізарную патрэбу ў кваліфікаваных кадрах - як у лётных, так і для абслугоўвання паветраных суднаў і аэрадромнага абсталявання.