Азаранка знялася з турніра ў Цынцынаці
12- 12.08.2014, 21:48
- 9,976
Вядучая беларуская тэнісістка не выступіць на турніры ў Цынцынаці (ЗША).
Спартоўка адмовілася ад удзелу ў ім праз траўму калена, атрыманую на папярэднім турніры ў Манрэалі, дзе яна закончыла выступ у чвэрцьфінале, паведамляе БелТА.
Месца Вікторыі Азаранкі ў сетцы турніру ў Цынцынаці заняла нямецкая тэнісістка Мона Бартэль. Менавіта яна сёння згуляе ў матчы першага раўнда з чэшкай Барбарай Захлававай-Стрыковай.
Азаранцы не ўдасца абараніць тытул пераможцы турніру ў Цынцынаці, які яна здабыла ў мінулым годзе, выявіўшыся тады ў фінале мацнейшай за амерыканку Серэну Уільямс.
Такім чынам, Вікторыя Азаранка, якая займае 10-е месца ў сусветным рэйтынгу WТА, паводле вынікаў гэтага тыдня апусціцца ў рэйтынг-лісце недзе на 15-ю пазіцыю.