Біл Гейтс і Цім Кук аблілі сябе ледзяной вадой

Заснавальнік Microsoft і кіраўнік Apple далучыліся да «ледзянога флэш-мобу».

Дабрачынная акцыя праводзіцца ў падтрымку руху ў барацьбе з Аміятрафічным бакавым склерозам, піша РБК.

Падчас кампаніі ALS Ice Bucket Challenge знакамітасці павінны выліць на сябе вядро халоднай вады і апублікаваць відэазапіс у інтэрнэце, пасля чаго могуць кінуць выклік іншым патэнцыйным удзельнікам акцыі. Калі тыя не адрэагуюць на прапанову цягам сутак, то павінны ўнесці $100 на рахунак Асацыяцыі ў барацьбе з Аміятрафічным бакавым склерозам (ALS).

Біл Гейтс атрымаў выклік ад заснавальніка Facebook Марка Цукербэрга. Відэа з абліваннем халоднай вадой Гейтс апублікаваў у сваім блогу. Папярэдне ён прагледзеў на ноўтбуку, як тое ж прарабіў Цукербэрг. У адрозненне ад кіраўніка Facebook і іншых удзельнікаў акцыі, якія альбо самі вылівалі на сябе вядро вады, альбо вылівалі на іх, Гейтс выкарыстаў спецыяльную канструкцыю. Размешчанае зверху вядро перакуліла змесціва на заснавальніка Microsoft пасля таго, як ён тузануў за спецыяльную вяроўчыну.

Цукербэрг пахваліў калегу і прызнаў, што «гэтая канструкцыя, адназначна, лепшая».

У сваю чаргу Гейтс кінуў выклік кіраўнікам SpaceX і Tesla Элону Маску, прадзюсару і актору Раяну Сікрэсту і куратару канферэнцыі TED (Technology Entertainment Design) Крысу Андэрсану.

Цім Кук зладзіў з аблівання цэлае шоў. У прысутнасці супрацоўнікаў карпарацыі вядро ледзяной вады на яго выплюхнуў музыкант Майкл Франт. За кіраўніком кампаніі ў «ледзяным» флэшмобе ўзялі ўдзел і іншыя топ-менеджэры кампаніі.

Прэзідэнт ЗША Барак Абама абліцца халоднай вадой адмовіўся, але паабяцаў ўнесці $100 у падтрымку ALS Association, паведаміла 14 жніўня Huffington Ppost. Выклік на чале Белага дома кінула ўдава сенатара Робэрта Кенэдзі Этэль, якая прыняла ўзяла ўдзел у акцыі.