Крамы Гарадзенскай вобласці абяцаюць зніжкі ў 30%
3- 17.08.2014, 20:14
- 7,675
Гандлёвыя прадпрыемствы Гарадзенскай вобласці 24 жніўня зробяць зніжкі на нехарчовыя тавары да 30%.
Гарадзенскі аблвыканкам накіраваў рэкамендацыі ўзяць удзел у другой рэспубліканскай акцыі «Адзіны дзень скідак» і знізіць кошты на нехарчовыя тавары як у дзяржаўнай гандлёвай сетцы, так і ў прыватных гандлёвых аб'ектах, піша БелТА.
Як патлумачыў начальнік упраўлення Віталь Біч, гандлёвым прадпрыемствам рэкамендавана разгледзець пытанне аб зніжэнні кошту нехарчовых тавараў падчас акцыі на 15-20%. Акрамя таго, ім прапанавана прапрацаваць пытанне з вытворцамі тавараў для атрымання дадатковых зніжак у гэты дзень. Гандлёвыя сеткі працуюць з вытворцамі па-рознаму, хтосьці дамаўляецца аб зніжцы ў 10%, хтосьці менш або больш. Такім чынам, пакупнікі могуць чакаць зніжэнне кошту тавараў усёй нехарчовай групы 24 жніўня да 30%, растлумачыў ён.
Са слоў суразмоўцы, прадпрыемствы гандлю любой формы ўласнасці вобласці актыўна адгукаюцца на ўдзел у падобных акцыях.
Акрамя таго, яны і ў астатні час года працуюць з пакупніком, прапаноўваючы скідкі на сезонныя тавары, падчас рэкламных акцый, распродажаў, школьных і іншых кірмашоў.