Сіноптыкі зафіксавалі самую працяглую спякоту за 25 гадоў

Цяперашняя спёка ў Беларусі стала самай працяглай з 1989 года.

У апошнія гады клімат у краіне істотна мяняецца.Так, калі раней у краіне было тры агракліматычныя зоны, то цяпер паўночная зона разбурылася, а на Палессі фармуецца новая зона, паведамляе БелТА.

«Можна сказаць, што на тэрыторыю рэспублікі ссоўваецца клімат з поўдня і поўначы Украіны», - сказаў прадстаўнік Рэспубліканскага гідраметэацэнтра Дзмітрый Рабаў.

Зімы ў Беларусі сталі больш мяккімі і менш снежнымі, вясновы сезон паступова скарачаецца, а лета стала прыходзіць нашмат раней.