Палац Агінскіх адкрыюць пасля рэстаўрацыі ў верасні

Палац у Залессі Смаргонскага раёна адкрыюць пасля рэстаўрацыі ў канцы верасня.

Пра гэта паведаміў намеснік старшыні Смаргонскага райвыканкама Генадзь Бычко. Сучасны этап рэстаўрацыі сядзібы князёў Агінскіх XIX стагоддзя ў Залессі пачаўся ў 2011 годзе. Будаўнічыя працы ўжо заканчваюцца, піша БелТА.

Праведзеныя ўсе патрэбныя работы, пачынаючы з інжынерных сетак і наладкі ацяплення, сістэмы вентыляцыі. Змантажаваны новая дах, замененыя вокны і дзверы. Выкананы комплексны рамонт і для аднаўлення памяшканняў, сходаў, фасадаў будынка. Заканчваецца кладка падлогі.

Са слоў Генадзя Бычко, маёнтак павінен быць максімальна набліжаным да выгляду, які ён меў у часы свайго вядомага ўладальніка Міхаіла Клеафаса Агінскага. Пры распрацоўцы праекта былі праведзеныя гістарычныя, архіўныя і бібліяграфічныя даследаванні, каб максімальна аднавіць згублены выгляд сядзібы. Для даследчыкаў і праектантаў вялікай падмогай было апісанне вонкавага выгляду палацу і ўнутранага ўбрання памяшканняў, успаміны сучаснікаў, а таксама гравюра мастака Напалеона Орды.

У будучыні палац Залессе мае на мэце вярнуць частку былой славы і стаць шматфункцыянальным турыстычным і культурным комплексам. Таму з улікам ранейшага выгляду падчас рэстаўрацыі ў ім выдзелена і некалькі функцыянальных зон для наведвальнікаў - музейная зона, аранжарэі, гасцявыя пакоі для турыстаў, памяшканні для персаналу і музычна-тэатральная зала.

Пасля заканчэння будаўнічых работ трэба будзе ўпрыгожыць інтэр'ер адпаведнай мэбляй. У наступным годзе плануецца рэканструяваць і садова-паркавы комплекс, рэстаўраваць гаспадарчыя пабудовы.