Надзея Саўчанка: Веру, што ў вас хутка не будзе Пуціна
23- 27.08.2014, 16:00
- 30,861
Украінская лётчыца, якую ўтрымліваюць у расейскім Варонежы, у зале суда выказала надзею, што рэжыму Пуціна хутка прыйдзе канец.
Пра гэта яна заявіла, выступаючы ў судзе, паведамляе Громадське ТБ.
Пры гэтым Надзея Саўчанка казала на ўкраінскай мове і была адзетая ў футболку з трызубцам, піша «Украінская праўда».
Падчас паседжання яна паведаміла, што знаходзіцца ў Расеі з 24 чэрвеня, а не з 30 чэрвеня, як пра гэта паказана ў матэрыялах следства. Са слоў адваката Саўчанкі Марка Фейгіна, следства не мае довадаў віны ягонай падабароннай. Цяпер у судзе абвешчаны перапынак.
«У вас няма справядлівасці, у вас няма закона. Ваша ўлада - гэта проста... Дзякаваць Богу, у нас ужо няма Януковіча. Буду верыць, што ў вас хутка не будзе Пуціна», - заявіла Саўчанка.
Яна таксама адзначыла, што выконвала сваю працу - абараняла Украіну. «Не прызнаю сябе вінаватай, не забівала журналістаў. Я не разумею, якое дачыненне расейскае следства і суд маюць да падзеяў ва Украіне. Я вайсковец Украіны і выконвала сваю працу. Як замежнікі могуць вызначаць, як я павінна абараняць Радзіму?» - сказала Саўчанка ў судзе.
Цытаты з выступу ўкраінскай лётчыцы падае на сваёй старонцы ў «Твітэры» адвакат Мікалай Полазаў.
Савченко: я их не убивала и к гибели журналистов не причастна. Я не понимаю, какое отношение российские следствие суд имеют к делам Украины.
— Николай Полозов (@Moscow_advokat) 27 августа 2014
Савченко: я военнослужащая Украины и выполняла свою работу. Как иностранцы могут решать как мне защищать Родину?
— Николай Полозов (@Moscow_advokat) 27 августа 2014
Суд узяў перапынак да 17 гадзін, каб абвясціць пастанову, паведамляе «Фонд адкрыты дыялог», які займаецца справай Саўчанкі.