Махлярка атрымала ад віцебцаў мільёны рублёў, паабяцаўшы «льготнае» жыллё

У Віцебску затрымалі пенсіянерку, якая ашуканскім шляхам завалодала сродкамі грамадзян нібыта на будучае будаўніцтва жылля для іх на ільготных умовах.

Пра гэта паведаміў карэспандэнту БелТА намеснік начальніка следчай управы - начальнік аддзела расследавання злачынстваў у сферы эканомікі ўправы Следчага камітэта Віцебскай вобласці Раман Шыянок.

"27 жніўня ў Віцебску непрацоўная пенсіянерка была затрыманая падчас аператыўнага эксперыменту ў момант перадачы ёй грашовых сродкаў - Br40 млн. Жанчына назвалася прадстаўніцай Фонду сацыяльнай абароны насельніцтва Віцебскай вобласці, якая нібыта дае ўнікальную магчымасць паляпшэння жыллёвых умоў для асобных катэгорый грамадзян - будаўніцтва жылля ў абласным цэнтры за 10% яго кошту", - растлумачыў сутнасць махлярства суразмоўца.

Распачатая крымінальная справа паводле ч.3 арт.209 Крымінальнага кодэкса ("махлярства, учыненае ў вялікай суме"). А неўзабаве была ўсталяваная пацярпелая ад дзеянняў махляркі - маладая медсястра адной з устаноў аховы здароўя Віцебска, якая аддала зламысніцы Br62 млн. Паводле гэтага факту таксама распачатая крымінальная справа паводле ч.3 арт.209.

Характэрна, што пенсіянерка была раней судзімая за махлярства ў асабліва вялікай суме. Правёўшы 5 гадоў у папраўчай установе, яна выйшла на волю ў 2007 годзе. І, па звестках следства, адразу ж вярнулася да супрацьзаконнай дзейнасці.

УСК просіць грамадзян, якія сталі ахвярамі махлярства жанчыны, паведаміць пра гэта. На гэты момант адпрацоўваюцца матэрыялы аб 10 пацярпелых. Такім чынам, ёсць вялікая імавернасць таго, што будзе даведзены сістэматычны характар махлярства, учыненага ў асабліва вялікай суме. А гэта ўжо класіфікуецца ч.4 арт. 209, санкцыі якой прадугледжваюць ад 3 да 10 гадоў пазбаўлення волі.