Самалёт Manchester United не змог прызямліцца праз пагрозу тэракту
1- 5.08.2014, 20:31
- 8,290
Самалёт, які накіроўваўся з турнэ па ЗША ў Манчэстэр, быў пераадрасаваны для пасадкі ў Лідс.
Пра гэта паведамляе Manchester Evening News, піша "Карэспандэнт".
"Чырвоныя д'яблы" не змаглі прызямліцца ў Манчэстэрскім аэрапорце, як было запланавана раней, праз пагрозу тэракту.
Вядома, што адзін з пасажырскіх рэйсаў Qatar Airways, які ляцеў з Дохі, прыбыў у паветраную прастору Манчэстэра ў суправаджэнні брытанскага знішчальніка.
Нагадаем, што ў паветраную прастору Вялікай Брытаніі ў тэрміновым парадку быў узняты знішчальнік для суправаджэння пасажырскага самалёта ў аэрапорт Манчэстэра пасля таго, як пілот атрымаў інфармацыю аб тым, што на борце можа знаходзіцца "падазроная прылада".