Расея можа забараніць імпарт аўтамабіляў у адказ на санкцыі

Памочнік прэзідэнта Расеі Андрэй Белавусаў заявіў, што другі пакет мер у адказ на санкцыі Захаду гатовы.

Пра гэта ён заявіў РІА «Новости».

Другі пакет санкцый прадугледжвае абмежаванні на імпарт аўтамабіляў і некаторых тавараў лёгкай прамысловасці.

«У нас ёсць цэлы шэраг несельскагаспадарчых прадуктаў, дзе нашы, перш за ўсё еўрапейскія, партнёры больш залежаць ад Расеі, чым Расея ад іх. Гэта тычыцца, напрыклад, завозу аўтамабіляў, перш за ўсё патрыманых аўтамабіляў, гэта датычыцца некаторых відаў тавараў лёгкай прамысловасці, дзе мы ўжо самі можам вырабляць. Не ўсіх, але некаторых відаў адзення», - сказаў Белавусаў ў кулуарах Самарскага эканамічнага форуму.

Ён адзначыў, што Мінэканамразвіцця ўжо падрыхтавала пералік гэтых тавараў.

«Я спадзяюся, што разважлівасць пераможа і мы не будзем вымушаныя ўводзіць гэтыя меры ў адказ», - патлумачыў памочнік прэзідэнта.

Нагадаем, раней Расея забараніла шэраг харчовых тавараў з краін, якія ўвялі супраць яе санкцыі.

Фота: vedomosti.ru