Viber дазволіў відэатэлефанаванні
14- 11.09.2014, 19:43
- 35,545
Сёння адбыўся рэліз пятай вэрсіі Viber для платформаў Android і iOS.
Цяпер у папулярным мэсэнджэры зрэалізаваная падтрымка відэатэлефанаванняў праз мабільныя прылады. Са словах распрацоўнікаў, для перадачы і прыймання відэасігналу будзе дастаткова нават слабага інтэрнэт-злучэння, аднак у гэтым выпадку якаснай выявы чакаць не давядзецца, піша onliner.by.
«Не паспеў свет ачомацца ад з'яўлення iPhone 6, як яшчэ адна грандыёзная навіна: сёння выходзіць абнаўленне Viber 5.0!» - паведамляюць распрацоўнікі.
«Функцыя відэасувязі стала даступная як на кампутарах, так і на мабільных прыладах», - заявіў генэральны дырэктар Viber Тальман Марка. Інфармацыі аб тым, ці хутка абнаўленне дабярэцца да платформы Windows Phone, не ўдакладняецца.
У новай вэрсіі праграмы змяніўся інтэрфэйс і, у прыватнасці, сістэма кіравання кантактамі. Карыстальнікі Android і кампутараў убачаць перапрацаваны дызайн.