Мінэканамразвіцця РФ: Адток капіталу ў 2014 годзе можа дасягнуць $120 мільярдаў
4- 22.09.2014, 21:01
- 8,393
Прагноз адтоку капіталу на наступныя гады таксама вырас.
Пра гэта заявіў журналістам намеснік міністра эканамічнага развіцця Аляксей Ведзеў, піша "Фінмаркет".
"Прагноз - да $100 млрд мінус $10 млрд - плюс $20 млрд, гэта значыць інтэрвал ад $90 млрд да $120 млрд", - сказаў ён.
Афіцыйны прагноз установы аб адтоку капіталу ў 2014 годзе складае $100 млрд. Пры гэтым Мінэканамразвіцця павысіла прагноз адтоку на наступныя гады: у 2015 да $50 млрд, у 2016 - $30 млрд, у 2017 - $20 млрд.
Паводле прагнозаў Банка Расеі, за другое паўгоддзе 2014 чысты адток прыватнага капіталу з Расеі можа скласці амаль $20 млрд, а паводле вынікаў года - блізу $90 млрд.
У 1-м паўгоддзі чысты вываз капіталу банкамі і прадпрыемствамі з РФ склаў, паводле ацэнцы ЦБ РФ, $74,6 млрд, што ў 2,2 разы больш, чым у 1-м паўгоддзі 2013 года ($33,7млрд).
Каментуючы пытанне аб росце ВУП у 2014, Аляксей Ведзеў выказаў меркаванне, што рост будзе "0,5% і вышэй". У тым ліку ў трэцім квартале, на ягоную думку, ВУП у гадавым вылічэнні вырасце прыкладна на 0,2%. Пры гэтым ён выказаў больш аптымістычны прагноз у дачыненні да росту апрацоўчай прамысловасці. На ягоную думку, рост апрацоўчай вытворчасці паводле выніках года можа скласці 2,6-3%.
Што да інфляцыі, намеснік міністра адзначыў, што "ў верасні, у параўнанні з жніўнем, магчыма, будзе паскарэнне" ў выніку росту коштаў прадуктаў харчавання праз санкцыі.
У жніўні спажывецкія кошты, паводле звестак Расстата, выраслі на 0,2%.