Украінкі на фронце: кулямётчыца Ганна, снайперка Алена і проста Юля

Шмат украінскіх жанчын ваююць у зоне АТА.

Пра гэта ішла размова ў час эфіру вайскова-патрыятычнага праекта «Адважныя сэрца». У прыватнасці, добраахвотніца батальёна «Айдар» Ганна Сцяцко патлумачыла, чаму жанчыны ідуць у зону АТА, піша expres.ua.

Маўляў, калі не мы, то хто? Тым больш, што ў зону АТА паехалі яе сябры, з якімі яна прайшла Майдан. Яна мяркуе, што значна цяжэй знаходзіцца на «вялікай зямлі», чым на фронце. Далікатная жанчына ў зоне АТА займаецца ручным кулямётам Калашнікава. Яе сям'я і сябры ведаюць, што яна - на перадавой.

Ваююць у зоне АТА і 30-гадовая снайперка Алена, якая ў мінулым была вядомай журналісткай, і 40-гадовая Юлія, якую дома чакаюць дзеці, сабакі, каты і чарапашка.