У Беларусі да канца тыдня будзе па-летняму цёпла

На гэтым тыдні настане добрае надвор'е, адпаведнае хутчэй жніўню, чым першаму месяцу восені.

Пра гэта паведаміў БелТА начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў.

«На гэтым тыдні ў Беларусі ўсталюецца надвор'е, адпаведнае хутчэй жніўню, чым першаму месяцу восені. Тэмпературны рэжым на 2-4, а месцамі на 5-6 градусаў перавысіць кліматычную норму, характэрную для другога тыдня верасня», - сказаў Дзмітрый Рабаў.

У аўторак, са слоз сіноптыка, умовы надвор'я на тэрыторыі краіны ў асноўным будзе вызначаць вобласць павышанага атмасфернага ціску, толькі раніцай і днём у заходніх раёнах рэспублікі адаб'ецца ўплыў франтальнага падзелу з суседняй Польшчай. У гэтай сувязі прагназуецца пераважна без ападкаў, толькі раніцай і днём месцамі па захадзе пройдуць кароткачасовыя дажджы, прагрымяць навальніцы. Ноччу і раніцай у асобных раёнах з'явіцца слабы туман. Тэмпература паветра ўначы складзе плюс 8-14 градусаў, днём паветра прагрэецца ад 19 да 25 градусаў.

У сераду і чацвер у заходніх раёнах рэспублікі захаваецца ўплыў франтальнага падзелу, таму там пройдуць кароткачасовыя дажджы, месцамі не выключаныя навальніцы. Тэмпература паветра ўначы складзе плюс 9-15 градусаў, днём паветра прагрэецца ад 19 да 26 градусаў, па захадзе - да 16-18 градусаў.

«Пачынаючы з пятніцы атмасферны ціск падрасце, і на большай частцы тэрыторыі краіны да канца тыдня ўсталюецца сухое цёплае надвор'е», - адзначыў Дзмітрый Рабаў. Прагназуецца пераважна без ападкаў, толькі ў паўднёва-заходніх раёнах Берасцейскай і Гарадзенскай абласцей магчымыя кароткачасовыя дажджы з навальніцамі. Тэмпература паветра ўначы складзе плюс 8-15 градусаў, днём чакаецца ад 20 да 26 градусаў, па паўднёвым захадзе краіны будзе на пару градусаў халадней.

У Дзень горада ў Менску чакаецца спакойнае і камфортнае надвор'е. Істотных ападкаў не прагназуецца, тэмпература паветра пры слабым паўднёва-ўсходнім ветры ў разгар дня складзе плюс 21-23 градусы.