189 млн рублёў «згубіліся» ў дзяржбюджэце

Людзі не могуць даказаць, што ўносілі плату за прыватызацыю.

Камітэт дзяржкантролю зацікавіўся сістэмай прыватызацыі жылля з растэрміноўкай плацяжоў. Падчас праверак было выяўлена, што велізарная сума грошай, якая паступіла ў дзяржбюджэт у якасці ўзносаў за прыватызацыю, па сутнасці, стала безнаяўнай. Цяпер ужо немагчыма высветліць, ад каго менавіта паступілі сродкі. Праблема тычыцца перш за ўсё грамадзян. Многія з іх абіваюць парогі раённых адміністрацый, каб пераканацца ці дакументальна пацвердзіць, што да такога тэрміну яны пакрылі нейкую частку кошту. Як высветлілася, часта гэтага не ведаюць нават тыя, каму пакладзена ведаць, піша «Савецкая Беларусь».

Здавалася б, што можа быць прасцей у век інфармацыйных тэхналогій: укласці і заверыць дамову, атрымаць нумар, фіксаваны ў электроннай базе, і сачыць за станам плацяжоў. Але не ўсё так проста. Каля 7 тысяч дамоваў прыватызацыі, укладзеных толькі за 2013-2014 гады, не ўнесеныя ў базу. «За бортам» апынуліся 140 тысяч безгаспадарных плацежных дакументаў на 189 мільярдаў рублёў. Грошы фактычна выплачаныя і паступілі ў бюджэт, але не разнесеныя па асабістых рахунках.

Кантралёры запатрабавалі ў БРТІ інфармацыю па 300 выпадкова абраных дамовах што да жылых памяшканняў, якія знаходзяцца пад клопатам. Па 94 дамовах не было звестак, плацяць людзі ці не. З немалой доляй верагоднасці можна сцвярджаць, што яны ўжо цалкам аплацілі. Але прадаць ці падарыць жыллё не змогуць - і гэта высветліцца ў самы непатрэбны момант.

Прыватызацыя жылля пачалася ў 1992 годзе. Але толькі ў 2007-м Менгарвыканкам зацвердзіў інструкцыю аб арганізацыі ўліку і кантролю за паступленнем у бюджэт грашовых сродкаў паводле дамоваў прыватызацыі з умовай адтэрміноўкі. Але ў 2013-м, калі былі названыя тэрміны заканчэння прыватызацыі, паток жадаючых укласці дамовы рэзка шматкроць узрос. Фінансавае ўпраўленне Менгарвыканкама перадаручыла справу фінаддзелам раённых адміністрацый - да чаго не было дастатковых нарматыўных падстаў. У выніку выразны кантроль за суправаджаючымі прыватызацыю дакументамі фактычна знік.

У раённых адміністрацыях Менска і абласцях працягнуцца праверкі. Кантралёры ўхапіліся толькі за хвосцік праблемы. А пакуль што грамадзянам раяць: не губляйце квітанцыі, калі хочаце праз 40 гадоў даказаць, што за кватэру заплацілі.