Apple запатэнтаваў акуляры віртуальнай рэальнасці

У патэнце апісваецца нейкае падабенства акуляраў з адмысловым адсекам, у які можа быць змешчаны смартфон або iPhone.

Управа патэнтаў і гандлёвых марак ЗША выдала кампаніі Apple патэнт на «на прыбор, што носіцца на галаве, для ўтрымання партатыўнай электроннай прылады з дысплэем». У сутнасці, гэта шлем віртуальнай рэальнасці, паведамляе "Ежедневник".

У патэнце Apple апісваецца нейкае падабенства акуляраў з адмысловым адсекам, у які можа быць змешчаны смартфон або iPhone. У гэтым выпадку экран сотавага апарата ператворыцца ў дысплэй прылады, што носіцца на галаве.

Apple таксама прапануе выкарыстоўваць для кантролю працы акуляраў віртуальную рэальнасць кампактны пульт дыстанцыйнага кіравання. Абмен звесткамі пры гэтым будзе весціся пры дапамозе бездротавай сувязі.