Лукашэнка раздаў пагоны

Дыктатар уручыў генеральскія пагоны найвышэйшаму афіцэрскаму корпусу.

Пагоны генерал-маёра ўручаныя Паўлу Муравейку, Ігару Дземідзенку, Вячаславу Язерскаму, Аляксандру Невяроўскаму, генерал-маёру міліцыі - Віктару Дубаўцу і Віктару Сянько, генерал-маёру юстыцыі - Аляксею Волкаву, Алегу Шаркову і Максіму Вароніну. Аляксандру Худалееву ўручаныя пагоны генерал-маёра ўнутранай службы, Ігару Маршалаву - генерал-маёра фінансавай міліцыі, піша БелТА.

Акрамя таго, старшыні Дзяржаўнага мытнага камітэта Беларусі Юрыю Сянько прысвоена персанальнае званне дзяржаўнага дарадцы мытнай службы III рангу, намесніку генеральнага пракурора Беларусі Аляксандру Дубаву - класны чын дзяржаўнага дарадцы юстыцыі 3-га класа.