Пуцін заявіў, што «не хоча трываць аднапалярны свет»

Прэзідэнт РФ заявіў, што свет жыве ў варунках паўакупацыі ЗША.

Прэзідэнт Расеі Уладзімір Пуцін заявіў, што Расеі трэба падвышаць свой эканамічны суверэнітэт, бо гэта дапаможа краіне больш эфектыўна супрацьстаяць санкцыямі Захаду.

Як паведамляе ТАСС, такое меркаванне ён выказаў на з'ездзе Федэрацыі незалежных прафзвязаў Расеі.

Пуцін канстатаваў спробы з боку, прынамсі, ЗША «стрымаць развіццё Расеі і замарозіць складзены сусветны лад на чале з адным безумоўным лідарам», які мяркуе, «што яму можна ўсё, а іншым толькі тое, што ён дазволіць і тое, што ў ягоных інтарэсах».

«Такі сусветны лад Расею ніколі не задаволіць. Калі камусьці гэта падабаецца, хоча жыць у варунках паўакупацыі - але мы гэтага рабіць не будзем. Але мы і ваяваць ні з кім не мерымся, мы мерымся з усімі супрацоўнічаць», - падкрэсліў прэзідэнт.