Масква хоча пашырыць місію АБСЕ на Данбасе за кошт расейцаў

МЗС РФ прапануе павялічыць удвая колькасць расейскіх назіральнікаў у місіі АБСЕ ва Украіне - да 30 дадаць яшчэ пару дзесяткаў чалавек.

Пра гэта заявіў міністр замежных спраў Расеі Сяргей Лаўроў.

"Місія АБСЕ нарошчвае свой патэнцыял, ужо практычна цалкам запоўненыя ўсе вакансіі, якія былі санкцыянаваныя на першым этапе (500 чалавек). Мы дамагліся прыняцця сталай радай АБСЕ пастановы аб магчымасці падвоіць гэтую колькасць - да 1000 чалавек", - цытуе Лаўрова ТАСС.

"Цяпер актыўна падштурхоўваем нашых партнёраў з сакратарыята АБСЕ, каб яны заняліся наборам спецыялістаў. У дадатак да блізу 30 расейцаў, якія працуюць у цяперашнім складзе місіі, мы са сваёй стараны прапанавалі яшчэ пару дзесяткаў чалавек. Будзем паскараць гэты працэс", - адзначыў кіраўнік МЗС РФ.

"Паралельна ў місіі ёсць больш сучаснага абсталявання, уключна з беспілотнікамі, якія далі аўстрыйцы. Мы таксама гатовыя дадаткова абсталёўваць місію з пункту гледжання нашых магчымасцяў беспілотнікамі, браняванымі машынамі", - сказаў Лаўроў.

Паводле ягоных слоў, у гэтым ёсць тэхнічныя складанасці, звязаныя з тым, што "кіраваць гэтымі машынамі і беспілотнікамі павінны нашыя аператары". "Гэта павінны быць вайскоўцы. Такія ж праблемы ёсць у французаў, немцаў. Але можна прыняць дадатковыя пастановы, якія ў падтрымку цывільнай місіі АБСЕ будуць засноўваць тэхнічную, дзе будзе ўжывацца вайсковая экспэртыза для спрыяння цывільнай назіральнай місіі", - сказаў ён.

Паводле слоў Лаўрова, Масква намагае на штодзённых дакладах місіі АБСЕ ва Украіне, і каб гэтыя дакументы адразу ж распаўсюджваліся сярод краін-чальцоў АБСЕ. "Місія істотна падвысіла якасць сваіх паведамленняў - яны сталі больш рэгулярнымі. Мы намагаем на штодзённых дакладах і на тым, каб яны адразу ж распаўсюджваліся для краін-чальцоў АБСЕ, а не накіроўваліся ў Вену для рэдагавання і "прэпаравання", - сказаў расейскі міністр.